JI WEŞANXANEYA DO’YÊ

4 BERHEMÊN SALIHÊ KEVIRBIRÎ

 

 

 

 

 

 

FILÎTÊ QUTO 20 Kilam & 20 Qewimîn Salihê Kevirbirî Weşanxaneya Do, 172 Rûpel, Stenbol, Kurdî/Kurmancî Çapa Yekem, Weşanxaneya Pêrî, 2001, Stenbol, Kurdî/Kurmancî Wergera wê, di sala 2004’an de ji hêla Evrensel Basın Yayınê ve, li Stenbolê hate weşandin. Ji bo çapa yekem Hasan Kaya, ji bo çapa duyem jî Gabar Çiyan du pêşgotin nivîsîne û her du pêşgotin jî di çapa nû de cih digirin.   "(…) Serpêhatiyên mîna Mala Eliyê Ûnis, Bavê Fexriya, Emê Gozê, Gênc Xelîl û Edûlê, Emînê Perîxanê, Bişarê Çeto, Dr. Yusuf Azizoglu û hwd pir in. Pir giring e ku nirxên wisa hêja bêne parastin. Teknîk û mecalên îro rê didin ku mirov van nirxên pîroz biparêze, wan vejîne. Nivîskar Salihê Kevirbirî di serdana xwe a Swêdê de qala xebatên xwe li ser van nirxên pîroz kiribû. Dengbêjiya Kevirbirî jî heye. Lê qet nebûye cihê niqaşê. Kevirbirî bi xwe gelek kilaman zane û bi formek modern dibêje. Kevirbîrî bi berhema “Filîtê Qûto”, 20 serpêhatiyên klasîk pêşkêşî xwendevanan dike. Di dawiya pirtûkê de wêneyên gelek kesên hunermend û kesên bi serpêhatiyan re têkildar hatine bicîkirin. Formê dengbêjiya Kevirbirî di pirtûkê bi xwe de jî tê dîtin. Serpêhatî bi du forman tên ronîkirin: Kilamên orîjînal li ser serpêhatiyê Pêşkêşkirina serpêhatiyê bi formê nivîsînê/senaryo… Herdu form mecalê didin neslên nû ku karîbin serpêhatiyan baştir fêm bikin. Berhema Kevirbirî, ji kesên dixwazin ji awira sînemayî, şanoyî, edebî û hwd jî li ser van serpêhatiyan bixebitin jî deriyên nû vedike. (…)”   Gabar Çiyan

 

 

 

SEDSALA QÊRÎNEKÊ KARAPETÊ XAÇO Salihê Kevirbirî (Wergera Ji Tirkî: Şerîf Derînce) Weşanxaneya Do, 144 Rûpel, Stenbol, Kurdî/Kurmancî Pirtûka dabaşa mijarê, bi zimanê tirkî berê du çap kirin. Çapa yekem di sala 2002’yan de ji hêla Weşanxaneya Sî’yê, çapa duyem jî di sala 2005’an de ji hêla Weşanxaneya Elma’yê ve ku her du weşanxane jî li Stenbolê ne hate weşandin. Nivîskar Mehmed Uzun û Weşanger Muslum Yucel ji bo kitêbê du pêşgotin nivîsandine.   “ (…) Wexta Salihê Kevirbirî ku yek ji guzîdetirîn nifşa rewşenbîrên kurd ên ciwan e,  ji min re got, wî Karapêtê Xaço ziyaret kiriye û dixwaze derbarê wî de kitêbekê binivîse, ez gelekî dilşa bûm. Piştî sedsalekî, rewşenbîrek ê encax bibe nevîçirkê dengbêjê mîrasa wî jê dewr digire û derbasî nifşa xwe dike. Salihê Kevirbirî berê jî antolojiyeke dengbêjan amade kiribû. Di vê xebata xwe de Salihê Kevirbirî nîşanî me dide ku ji hostayên gotinên qedexebûyî ev yek hîn bûye: Divê tu tişt winda nebe, ji bîran dernekeve û neçe, her gav di tarîxê de bê qeydkirin, mîrasa ku heyî her gav bê parastin û derbasî nifşên nû be. Xebata Kevirbirî hem panoramayeke balkêş a çaxên em têra xwe nizanin dide, hem jî mîraseke bêhempa ji me re dibexşîne. Ka em hemû tiştî li aliyekî bihêlin û bikevin kûrahiyên vê dewlemendiya ku Salihê Kevirbirî nîşanî me dide, da ku em giyanê xwe hinekê dewlemend bikin...”   Mehmed Uzun

  

 

 

HEVÎRTIRŞ Makale & Portre Salihê Kevirbirî Weşanxaneya Do, 184 Rûpel, Stenbol, Kurdî/Kurmancî Kitêb ji gotar-nivîsarên Salihê Kevirbirî yên di malper-kovar-rojnameyan de hatine weşandin û nehatine weşandin pêk tê. Cîgirê PEN’a Kurd Mustefa Reşîd, bi pêşekeke herikbar û rewan behsa serpêhatiya nivîskarê me yê ciwan dike. Kitêb ji bêhtirî 60 gotaran pêk tê ku piraniya wan di navbera salên 2006-2009’an de hatine nivîsandin.   “(…) Kitêbkirina gotar-nivîsaran ji bo parastinê, bi ya min rê û rêbazeke pir baş e û ya herî aqilane ye. Bifikirin, nivîskar an rojnamegerek di maweya nivîsandina xwe ya salên demdirêj de, bi sedan nivîsên cihêreng dinivîse. Gelo heger mirovekî zêde ne rêkûpêk be, ji sedan nivîsên xwe yên çapkirî, dikare çendan bîne deyne ber we? Bi ya min wê bersiv “neyînî” be. Lê dema ew nivîsar bibin kitêb? Nivîskar çiqas tevlihev, nerêkûpêk be jî, dikare nivîsarên xwe yên ku bûne kitêb biparêze. Bi gotineke din, mixabin rêje û ihtîmala badilhewabûn û wendabûna kovar û rojnameyan -nexasim di nava kurdan de- pir zêde ye. Lê wendabûna kitêban zehmet e û parastina wan hêsan e. Sedema min a ku ez nivîsarên xwe yên di kovar û rojnameyan de çapbûyî de, wekî kitêb ji nûve çap dikim ev e…”   Salihê Kevirbirî

 

 

TEYÎBA MIN Gotûbêj & Lêpirsîn Salihê Kevirbirî Weşanxaneya Do, 252 Rûpel, Stenbol, Kurdî/Kurmancî ”Teyîba Min”, pirtûkeke gotûbêj û dosyayan e. Ji sê beşan pêk tê. Piraniya gotûbêj û dosyayan di navbera salên 2005-2009’an de hatine nivîsandin. Çi nivîskar, çi siyasetmedar, çi rewşenbîr, çi hunermend, çi ji kesên rêzê, jin û mêr bûne mêvanê Kevirbirî û pirsên  wî bersivandine. Her wekî di kitêba ”Hevîrtirş” de kiriye, Cîgirê PEN’a Kurd Mustefa Reşîd, pêşekekê ji bo kitêba ”Teyîba Min” jî nivîsandiye.    “(...) Lewre, kesên ku dixwazin van taybetmendiyên nirxdar qezenc bikin, bila nivîsên Salihê Kevirbirî bixwînin. Naverok çi dibe bila bibe, Salih li ser çi jî binivîsîne, hem spehî dinivîsîne, hem jî germahiya çand, civak-jiyan û zimanê kurdewar dixe nav. Bi ser de jî mijarên ku li ser wan dinivîse, bi rastî jî balkêş ango serincrakêş in. Min bawer e dema ku we dest bi xwendina vê pirtûkê kir, hûnê di demeke kurt de xwe bigihînin dawiya pirtûkê û hewl bidin, ku hûn pirtûkên Salih yên din jî bi dest xwe ve bînin û bixwînin. Ez serkeftin û pêşveçûnên hên mezintir ji nivîskarê meyî ciwan Salihê Kevirbirî re dixwazim...”   Mustefa Reşîd

 

 

 

 

Salihê Kevirbirî Salihê Kevirbirî, di sala 1973-yan de li Batmanê hatiye dinyayê. Xwendina xwe li navçe û bajarên wekî Batman, Farqîn, Misirc, Edeneyê kiriye. Di sala 1992-yan de bi derketina Rojnameya Welat re, ji zimanê dayîka xwe haydar bûye. Li herêma Çukurovayê di rojnameya Welatê Me de cara yekem dest bi karê rojnamegeriyê kiriye û heta rojname hatiye girtin, li herêmê berpirsiyariya rojnameyê kiriye. Piştî girtina Welatê Me, kar û barê rojnamegeriyê di rojnameya Azadiya Welat de berdewam kiriye. Di destpêka sala 1997-an de hatiye Stenbolê, di heman rojnameyê de bûye Berpirsiyarê Karê Nivîsaran û ji ber vê peywira xwe, bi dadgeh, girtîgeh û dozgeran re nasraw bûye. Ji bilî Welat, Welatê Me û Azadiya Welat; nivîsar, hevpeyvîn û lêkolînên wî di kovar û rojnameyên bi navê Ozgur Polîtîka, Demokrasî, Ozgur Bakiş, Radikal 2, Milliyet Populer Kultur, Milliyet Sanat, Taraf, Bîrgun, Esmer, Multîkultî, Çavreş, Tîroj, Evrensel Kultur, Gulîstan, Rûdaw, Çira, Yeni Gundem, Jiyana Rewşen, Avaşîn, Nûbihar û Nûdemê de hatine weşandin. Vê gavê di malpera Netkurdê de, di quncikê xwe yê bi navê “Hevîrtirş” de bi domdarî dinivîse. Nivîskar, li ber qedandina “Antolojiya Dengbêjan” e û li ser romana “Koçero” kar dike. Kevirbirî, Endamê Navenda PEN-a Kurd, Endamê PEN-a Navneteweyî û Endamê Enstîtuya Kurdî ya Stenbolê ye.

Berhemên Salihê Kevirbirî;
Filîtê Quto: (Kurdî), Weşanên Pêrî 2001, Stenbol.

Çapa Duyem: Weşanên Do-yê, Cotmeh 2009, Stenbol
Bir Çigligin Yuzyili; Karapetê Xaço: (Tirkî), Weşanên Sî 2002, Çapa Duyem; Weşanên Elma 2005, Stenbol

Gera Pênûsê: (kurdî) Weşanên Sî 2003, Stenbol
Kürt Halk Türkülerinden Seçmeler: (Ji kurdî bo tirkî werger: Mazlûm Dogan) Weşanên Evrenselê–2004, Stenbol
Bir Dunya Ozani: Sivan Perwer: (Ozanekî Cîhanê: Sivan Perwer) (tirkî) Wesanên Elma 2004, Stenbol

Qêrîna Sedsalekî Karapetê Xaço: Weşanên Do-yê, Cotmeh 2009, Stenbol

Hevîrtirş: Kurdî, Gotar-Makale, Weşanên Do-yê, Cotmeh 2009, Stenbol

Teyîba Min: Kurdî, Hevpeyvîn-Lêkolîn, Weşanên Do-yê, Cotmeh 2009, Stenbol

 

Berhemên ku Salihê Kevirbirî wergerandine;
Buyuk Dagda Kuçuk Koy: (Li Çiyayê Mezin Gundê Biçûk), Orhan Çelîk, roman, ji tirkî, Weşanên Elma 2006, Stenbol.
Sagırtaş: (Kevirê Ker); Orhan Çelîk, roman, ji tirkî, 2007, li ber çapê ye.

Kumluk Diyar: (Diyarê Qumî), Orhan Çelîk, roman, ji tirkî, 2008, li ber çapê ye.

Agrı Dagı Efsanesî: (Efsaneya Çiyayê Agiriyê); Yaşar Kemal, ji tirkî, 2007 li ber çapê ye.

 

Weşanxaneya Do / Do Yayınları

Şehît Muhtar Mah. İstiklal Cad.

Nane Sok. No: 5/5

Taksim-Beyoğlu / İstanbul

Tel: (0212) 243 01 56 - 0546 722 19 46 - 0535 815 01 20

Faks: (0212) 252 70 48

wesanendo@hotmail.com

doyayinlari@hotmail.com

çapkirin