ÎHD: Wê rojnamegerên kurd bêne îdamkirin, li dij derkevin!

Salihê kevirbirî / Stenbol

Komeleya Mafên Mirovan şaxê Stenbolê bi daxuyaniyeke nivîskî girtin û birîna cezayê îdamê bo rojnamegerên kurd şermezar kir.

Ednan Hesenpûr û Hîva Botîmar, endamên rojnameya bi navê Aso ku di sala 2005-an de hatibû girtin, ev 8 meh in ku li girtîgeha Sineyê girtî ne. Çendek berê cezayê îdamê li her du rojnamegerên kurd hate birîn.

Çav li rê ye ku her duj rojnameger 3-ê Tebaxa 2007-an werin îdamkirin.

Li ser vê yekê Komeleya Mafên Mirovan (ÎHD) şaxê Stenbolê bi daxûyaniyekê bûyer şermezar kir û ji raya giştî daxwaz kir roja 1-ê Tebaxê li ber Balyozxaneya Îranê ku li Cagalogluya Stenbolê ye bi daxûyaniyeke çapemeniyê dewleta Îranê were protestokirin.

ÎHD bang li tevahiya kesên ku mafên mirovan ji xwe re kirine bingeh roja 1-ê Tebaxê beşdarî li çalakiya wan bikin.

Dem : 1 Tebax 2007

Saet   :  13.00

Cih     : Li ber dergehê Konsolosxaneya Îranê li Cagalogluya Stenbolê

Salihê kevirbirî / Stenbol

çapkirin