Gli Angeli Non Muoiono *

Ji bo şermezarkirina kuştina ‘bûka îtalî’

Giuseppina Pasqualino di Marineo (Pippa Bacca)

û tevahiya hunermendên rastî ‘kuştinên xayîn’ tên...

SALIHÊ KEVIRBIRÎ

Xeml û rewşa dilpakiyê li xwe kiribû…

Tevli bûkaniya xwe, dixwest bigihêje armanc û mirazê xwe…

Lê rê li ber girtin, bi hovîtiyeke mezin pişt lê şikandin…

Spîtî û spehîtiya wê; bi reşahî û qirêjiya xwe lewitandin…

Ew ferîşteyek bû; melayîketek bû, melekek bû…

Per û baskên wê şikandin!..

Lê ew nemir e!..

Lewre; çawa ku goyende û pêşiyên me gotine;

Dixwazim bi 44 zimanan bibêjim:

“Melek Namirin”: 

Angels do not die

Engelen sterven niet

Engel sterben nicht   

Angel ne pas meurent

Angels no se muerent

Gli angeli non muoiono

Os anjos não morren

Engel dør ikke

Ангелы не умирают

 الملائكة لا تموت (Alamalyika la tamut)

Engels sterven niet

Änglar dör inte

Hreşdekneri çen mernîr

Melaiçe va ğurca

Hibridi ne umiru

Milaketu Nemirenê

Firiştekan Namirin

Firîşteha Nemîmîrend

Melekler ölmez

…

‘Bûka îtalî’ Giuseppina Pasqualino di Marineo (Pippa Bacca), ji bo şermezarkirina şer û piştgiriya mexdûrên şer, ligel hevala xwe ya hunermend Silvia Moro 8-ê adarê ji Mîlanoya Îtalyayê ketibû rê. Armanca wan ew bû ku bi riya otostopê, ji ser balkanan û Tirkiyeyê xwe bigihînin Tel Avîva Îsraîlê. Her du hunermend 19-ê mehê, ji Stenbolê ji hev qetiyabûn da ku li Beyrûda Lubnanê bigihêjin hev. Pippa Bacca ji 31-ê Adarê ve winda bû û ligel tevahiya hewldanan nehatibû dîtin. Cara dawî ew li Gebzeya Kocaeliya nêzîkî Stenbolê hatibû dîtin...

Cendekê wê piştî windabûnê bi 12 rojan ango 11-ê Nîsanê li gundekî nêzîkê Gebzeyê hate dîtin. Dema hate dîtin, nîvtazî di nava axê de hatibû veşartin. Pêşî tecawiz lê hatibû kirin, paşê jî bi awayeke hovane hatibû qetilkirin... 

Ya rast, di şexsiyeta hunermenda bi xeml û rewş de; li ‘civakeke nexweş’, ji hêla ‘kesekî nexweş’ ve ya ku tecawiz lê hatibû kirin, ‘aşti’ya ku me bêriya wê kiribû bixwe bû... 11-ê Nîsanê, her wekî per û baskên Pippa Baccayê; per û baskên kevokên remza aştiyê jî hatibû şikandin...

Şermezar dikim!..

Addio Pippa Bacca (Oxir be Pippa Bacca)... 

* Melek Namirin

Jêrenot: Ev nivîsar, bi zimanê kurdî 15-ê Nîsanê (sêşem) di Rojnameya Azadiya Welat de; 16-ê Nîsanê (Îro ango çarşem) jî bi zimanê tirkî di rojnameya Tarafê de hate weşandin. Li ser rojevîbûna mijarê, bi xwendevanên xwe yên hêja yên Netkurdê re parve dikim... (S.K)

rojnameger@hotmail.com

çapkirin