MELKEMOTÊ KÛLÊ

 

SALIHÊ KEVIRBIRÎ, salihkevirbiri@hotmail.com

 

Diyarî ji bo ‘pênûsxweş’ê çanda kurdewarî Kakşar Oremar...

 

Gava te terka min da

‘Melkemotê Kûlê’ hate serdana min

Gava te dilê xwe ji min da alî

‘Kûpê Xwînê’ fermana min rakir

Li bin siya dara hejîrê

Daçikand sêdara min

 

Badilhewa negotine pêşiyên me:

‘Mêrikê xerîb kor e, siûda kuştiyan tuneye!’

Îro xerîb im, siûd xwe ji min daye alî

Lew hem kor im hem jî kuştî

 

Gelo heye ku tu rojekê vegerî?

Heye ku awirên ‘fêlbaz’ û ‘çavnebar’

Dîsa ‘nezerên sotîner’ pêşkêş bikin

Min qayîl e heyran!

Bes vegere

 

Roja ku tu hatî bi xêr

Bi bişirîna xwe yê zirav

Ku di wê bişirînê de

Awazên Dengbêjan Xerzan veşarî ne

Êdî ‘Qasidên Zilmê’ jî bên ne xem e

‘Pênç pere’ bi ‘qûna’ wan nadim!

Bo sedema ku tu hatî

 

Tebax 2004 Stenbol

copyright © 2002-2004 info@pen-kurd.org