Hêrişa liser ROJ Tv û saziyên Kurdistanî şermezar dikîn!

Ahmet Aktaş

Hêrişa ku spêdeya roja pêncşemî demjimêr 5 î spêdê bi şêwekî hovane ji aliyê polîsên Beljikî ve bo ser ROJ Tv î û saziyên Kurdistanî em liser nave institute kurdî ya Elmanya û endam û dustan bi tundî şermezar dikîn.

Di dîroka ewropa da gelek hêrişên bi vî awayî  yên dijî mirovatiyê liser gelê kurd pêkanîne, her ji hêrişên xaçperêsan bo rojhelata navîn taku parçekirina Kurdistanê di peymana Sêver da û alîkariya rijêma Iraqê û frotina çekê kîmiyayî yê di qada nêvnetewîda hatiye qedexekirin ta ku bazar di gel dewleta Turkiya û welatên Kurdistan dagîr kirî û kompiloya li hember berêz A.Ocelan û …htd jibo vêjî gelê kurd di vê qonaxê da xwedî helgirê nama aştî, demokrasî û biratiyê ye. Vê qonaxê bandore xwe liser dewleta Turk û yên herêmî kiriye lê bi zanebûn weke her car welatên rojava dixwazin bazarê xwe liser xwîn û jinavbirina Kurdan pêkbînin û çekên xwe bifroşin welatên Kurdistan dagîr kirî.

 Ev nêrînên hovane û di paytexta ewropa da weke hêrişên leşkerî û tîrorê bo ser dezgehek weke ROJ Tv ku dengê gelê kurde û xwedî namek pîroze bi şêweyê stran, kultur û şirove û ramanên cuda xwe digehîne hemû malan û hemû cihan ronî dike.

Di sîstema nûya cîhanî da liser nave yekgirtin, dîmokrasî û mafê mirov dixwazin maskên bi qrêj bikar bînin û dostên xwe bi hêrişên li dijî gelê kurd qaîl biken.

Em carek din jibo raya giştî ya nêvnetewî aşkera dikîn û dibêjîn; dîrok şahida gelek bûyerên ji van mezintire lê nikariye gelê kurd ji doza xwe dûr bixin û baweriya wan û viyana wan ya azadiyê kêm bikin. Dibe  ku wan gelek bedelên xirab jî dabin û nikaribin gelê kurd bê bawerî bihêlin. Herwesa kesên ku bûne nwênêrên aştî û diplomasiya kurdî li ewropa nabe bi çi şêweyî kesên ku bivî karê pîroz radibin biken armanca hêrişên xwe yên hovane.

Em vê yekê bi karekî tîror û dervey qanona nêvnetewî  û mirovatiyê dibînin. Ji bo vê jî em bangî hemû aliyên cîhanî dkîn ku bi zutirîn dem ev karê hovane bête rawesstandin û bedelên şaşiyên xwe biden û daxwaza lêburînê ji gelê kurd bixwazin. Herwesa bang li ruşinbîr, rêkxistin û saziyên kurdistanî dikîn ku li hember van hêrişan bê deng nemînin û hemû dengê xwe biken yek û rûmeta gelê kurd biparêzin.

Înstîtûta Kurdî jibo lêkolîn û zaniest li Elmanya

05.03.2010

çapkirin