NEWROZ û Mamoste Medya!

Ahmet Aktaş

     Pêşî ezê bêjim, cejna jiyana azad a mirovatiyê NEWROZ, li gelê me û mirovatiya cîhanê pîroz be û ezê derbasî şîroveya li ser Mamoste Medya yê bibim.

    Eger keçeke Kurd a deh salî, eger bi xwe re vi curetî dibîne û ewqas bi xwe bawer, dikare derkeve ser dika li nava milyonan kes, zindî bikaribe rexneya li ewqas însanan bike û bikaribe weke temen mezinekê li rastî û mafê gelê xwe xwedî derkeve û her wiha bi helwesteke aram, weke zanyarekê rê jî destnîşanî milyonan bike, êdî hema ez dibêjim rewşa heyî xweşik radixe ber çavan û divê herkes kumê xwe ji serê derxe deyne ber xwe û kûr kûr bi fikire û mijûl bibe.

    Lazim e her kes ji vê peyamê rast dersa derxe û par a xwe werbigre.

    Dewletên dagirker û bi taybetî AKP, divê vê peyamê baş bixwîne, berî hemî tiştî pêwîste ku bizanibe ev ne peyama zarokek a Kurd e, peyama gelê Kurd e, peyama Rêberê Kurd e.

    Helwesta vê keça hêja, asta bilindbûn a hişmendiya gelê me giştî destnîşan dike.

    Daxwaza wê, bi tenê ne fêrbûna zimanê Kurdî bû, ji xwe ew weke kes, zimanê xwe baş zanibû, belê li gel xwestina bi civakî perwerdeya bi zimanê Kurdî, raperîna wê/serîhildana wê, nerazîbûna wê ya li dijî zimanê dewletê bû(ne dujminatiya zaminê gelê Tirk); wateya vê jî, dijberiya mejiyê nijadperest/faşist û siyaseta tunekirinê ya dewletê ye.

    Ev hilwesta Mamosta Medya, hilwesta zarokekî Kurd yê 2 salî, ku li Mersînê bi zahmetî radihişt kevirên biçûk û davêt tankên artêşê di anî bîra mirovan.

    Van hilwestên yeko yeko, ji xwe weke xelekên zincîrê bi hev e girêdayî ne û bi salan ketine ser hevdu û îro bûye weke helwesta gelê Kurd hemî xwe derdixe ser dikan û kolanan û her deveran.

    Herwiha gelê Kurd jî, divê ji peyama Mamosteya me Medya par a xwe bistîne û eger bi taybetî ev dewleta ku ewqas ji vî zimanî û bi bingehîn ji perwerdeya bi zimanê Kurdî di tirse, ehaa, tê wateya ku Mamosteya me rast dibêje û mafdar e jî, ji ber ewqas rexneya li me dike di vî warî de.

 *  *  *

Wisa diyar e êdî dewlet jî hêdî hêdî ji naçarî hinek rastiyan qebûl dike û hîn jî dê bike, lê ne xêra bavê xwe, ji bêçarî.

Weke mînak, gelê me ji her salan mezintir, bi hêztir, bi coştir û bi gotinên watedartir pîroz kir, lê dewletê ji hemî salan lawaztir, şermoktir, zaroktir/biçûktir(ê me zarok mezintir dibin, ê wan mezin zaroktir dibin), hema hema weke lîstokên pêkenok û ji hemî salan kêmtir bajaran pîroz kirin.

Êdî zelaltir dibe, ku eger di vî temenî de ewqas xurt, tov û şitlên fikir û ramanên Rêberê Medya di serê wê de şax veda be û lewma dikare ewqas bê şik û guman tevbigere, divê em herkes, hîn pirtir li memosteyên xwe xwedî derkevin û ji bo memostayan zêdetir bikin gelek xurt bi xebitin.

Her çend me dîsa şehîdên NEWROZ ê dan li Reqqayê û dilê me bi xemgîn e, belê beşdarî û coşa gelê me ya Cejna NEWROZ a îsal, hêjayî pesindariyê ye.

Bi hêviya, em li welatê xwe azad NEWROZ’ê pîroz bikin!

Ahmed Aktaş

NEWROZ 2010

çapkirin