XİRXAL

Serkeft Botan

hest û nifirên

li çiyayên te

hinavkên demê

disincirînin

pêlê hezkirinan weke refên masiyan

û civîkên sermest 

xwe

li tuxûbên qedexe dixin…

şêwirmendî

û

rikibandina

cejnên ji te xerîb

nexşeya rêveçûna

kêlik

û

pîlikên kefa sabûna te

te li ser naxşê demê dişûn…

devê min nagere

ku ez rahêlim darbesta te

ji ber ku tu

vergera jînê

bergerandina sebrê

hestên bi goşî

danîne

cembeka dilê heynê

bênderên hêviyên tena

bendergehên keştiyan

bargehên xwe

li serê sîpanên memikên te danîne…

ma ev

qonaxa çendîn sal in

li rawesgehên pîroz

qinap û jiyên xwe

ku bavêjim

nigên bi xirxalî sekinîm e…

                                     20.12.2003

çapkirin