Ew bihna te yî jibîrbûyî

Silêman azer

Û..., bi ser xwe de,

dikişandin..,

cendekê bêrîkirinan.

wê bihna xwe jibîrkirî,

di leza xwe de.

şevin tirişbûyî

di mijûliya du dilî de

ji ber serê henasan radibûn

di tewtihîn di girêkên tariya xwe de.

li hev digerîne

şopên bi servebûnê.

ew bagerên..

ji anîşkên te direvin..

de ...serê tenahiya xwe

bi sipêre hestiyên

rizyayî ji peyketinên

rehnê xweziyên min..

vekirîne..

ji poşmaniya te re..

kolanên kolayî

di qermîçokên hişê min de..

Di her gavê de....

Di her gavê de

ez sûnd dixum,

ezê benên mêbûnê ji jiyanê bi birim.

û...bîranîn û bêrîkirinan

ber bi çemê azariyê de,berdim.

û...şivên wê ji mêjiyê xwe bi kesixînim.

bi tenê ezê lêv û çavan,

fêrî bêjeya (wî) bikim.

ta bi modikên mê

ezê bi silkînim bi hilma xwe.

lê ez nizanim çawa ezê (wî)nasbikim

eger tune be (wê) di heyînê...

sibêdin daleqandî....

Sibêdin daleqandî

bi riwê berbangin

penaber,

di pêjna te yî,

raxistî,

hilatbûnin

tir bi zelaliya

xunavin dil zîz ve.

li şûn mayînên şevê

xewnin

pûçbûyî

bi mêtina şevpestin

demoşgirtî

ji şanên xewê.

û,....

ew barana

dîdevanê,..

hevdîtinan

deqandî di riwê

tirsê de.

li pişt tilmanokên dilbijiyê,

vedikirin,..

pirsin li hev gelicî...

silemanazer@hotmail.com

çapkirin