anmeldung

jinek qiraxên mêbûnê qamdike

silêman azer

he...

va...

ez,

beloq dikim hebûba xwe.

ya demûşgirtî,

Ji xwêdana bînayiya çivîkên,

sergombûyî.

vebûna xwe ya rizî,

dirêsim di kavilê mirina bodîle de û dihêrim.

va me ez,

ez tewadikim neqşa.

dudiliya keskesora bê dû,

beravêtî dikim.

bakuran ez diborînim,

di danîşgeha mirovayetiyê de.

ser bazinê gerdena deman,

ez bîranînê ewaretiya xwe dikolim.

wiha ez,

rondikan qedexedikim,

di dilopên avê de.

min ezberkiriye,

sirûda xwetunekirinê,

dilîstikên xwe de.

wêneyan ser nanê xwe dibirêjim.

bergornan dipîvim,

û tixûban di aniya xweziyan de,

diçikînim.

min

du sê pelokiriye,

gurandina niviştê birûmetên xwe.

biborin.....

erê disawîrên xwe de.

biborin...

da neqetin aliyên we dixavka,

şemitandinan de.

bêzare dîlbûna dîtinan didavkê,

çavan de.

ez ji feraşên xweperestinê,

diwerivim ber bi peyalên tazîbûnan.

binoşe..

binoşe...

de vexwe cirîda xwe,

berî sarbibe,

dikevgîra,

xwedayetiyê de.

-Jinek qiraxên mêbûnê qamdike-

xwe berde.

bi serserkîve xwe berde.

bilingan ve xwe berde.

pêlên mêbûnê,

x ji qama xwe.

tevzînokê şahiyê dilivin.

dibin ganê nêrbûnekê de.

û ahînin deristî ji serxweşiya,

guvaştinê ber bi serjêkirinê ve,

diherikin.

xwe berde,

ne sitewre xwêsiya min.

lê ber nagire ji şilbûnin tirsonek.

û dîsa,

tu li virî,

dawa xewnan dinixumîne.

sîngên teyî dîl,

di ferehbûna destên min de,

winda dibin.

Û noqa te,

dibin gavê siwariyê de,

diherike.

movikên te hev dimijin,

Û meşka mûbûnê dikeyînin.

Û raza nêrbûnê,

eşkere dikin.

sirûdin,

libenê pêlekê alandî.

xwêdana dîwarê xweziyek winda,

dişemitin ser asoyê çermekî du par.

wek heyveke melisî,

ez dişanê hêlîna çikandinê te de,

dilûsim.

bodîleye şiyarbûna birûskên,

baskê beza min.

-nerînin xwekuştî ji bendewariyê-

ez dilivînim,

sitewirbûna cirîda.

ez qamçiyan dinoqa dîtinê re ,

dikşînim.

û bakuran,

biberê paleyiyê re diçînim.

min kemkiriye pîvana erêbûnê,

Û soresor dixêzên sorayiyê de,

sorkirine.

Şile kêla bin serê helbesta min.

Û bergornin piştxûz dizikê,

mirinê de.

wiha,

ez xwe biheyînê dipelînim.

serxweşim bitarîbûna germa te.

Û kelandîme bitozika demsala.

dinoşim lebita bêrîkirinê.

tûrikê bagera tevna,

ez-eziyê me.

ez têm,

va ez têm.

winda-şopa bi hilpirikandina,

rwerewkan ve dixemlînim.

Û tabloyan ji parsê re rengdikim.

gurikê,

kela dilê pencera me.

va ez têm.

ez livir,

dilê xwe diqewêrim.

dimalika vî asoyê bêdeng de.

sirûdin lal di şevbuhêrkên te de,

dixwînim.

qumriyan difirînim di çîrokên,

reva te de.

Û tariyeke,

ne sînorkirî.

ser şaxên tovê te,

dilivînim.

li vir,

dimalzaroka şevên te de,

ez refê ganan beravêtî dikim.

rûpelê demên dudilî di destmalka,

Şagirtên xwe de diçînim,

Û qelûna kalan ji tutina xursa,

xwe jibîrkirî dadigrim.

vêxistiye agirê min ji birajtina,

Çiyan re.

Û tûbûrîna siwarê revokim.

li vî cihî,

ez bitinazî kêla,

Ji keziyên gemiyan re,

dikolim.

kilîlan li bejna darbestan,

dikim.

biskin xeyidî ji guliya,

Şîr divekim.

wiha,

ez xwe dihînim.

va ez têm,

ji rizîbûna axa bapîran dipekim.

Û ji tayê kefenê bavan dertêm.

li kolanê miringehan,

li mirineke,

xweşik digerim.

Ji zuhabûna bablîsokên,

celdeyan,

Jinek parsa nêrbûnê dike.

ez heskirineke tenik,

dirondikên evîdariyê de,

diteqînim.

Ji roniya xewneke tevizî,

ber bitariya hestê bihnekê dirim.

hebûna dilmê û bajarê parsê,

peyala pencereke kor,

birîndar dikim.

helbestin ziman jêkirî,

Û efsanin ji parsiwên min.

diherifin ji bilindiya gerdena xwe,

Û pêçayîme bi nerînê goristanekê.

ez têm,

ha....wiha ez têm.

Û deryayin melisî dibin dirêjbûna,

ganê pêline nexuya de.

bi hatina min de derdibin.

Şahim,

Ji morîkên taca xwe re.

Şahim.

keserin pînekirî me,

di jibîrkirinekê de,

şahînşahiya hevsarê mine,

geyayê zîldayî dibin zikê latê de.

sirûdin,

sirûd.

dîlana şeva siwariya min dikin.

yezdanin perê ewretiya min,

dibin alin qedexere dibûrînin.

direhên siwariya min de,

zayînin bêxwîn divebin.

ez têm,

kevizgirtiye,

sîtava asîmanê hatina min.

Jina ku bînê bi ser mêbûnê dixe,

xilmaşe li ser devê çirisandinê.

tîjikê devdawa ewrekî,

ne şuştî.

bi ser tevna sibatoka dînik de dibarin.

keskesorin sistbûyî,

ser kêleka stirîmişkan,

ditewin.

qaçaxçiyê,

xwînî,

xwe di tariyeke lêvjêkirî de,

diveşêrin.

bîrhatinin fetisî,

digewdiya dengbêjekî de.

tewandineke bizdonek,

hêkê du zerikî dike.

dengê marşa hêrandinan,

simfoniya kezî reş dixwîne.

çivîkê alî windakirî,

aveke zerî sor dimeyîne,

ser lêvê çavnêriya min.

karwanê barîna tevizandinê,

xewna xwe me.

kara mirinên çavkildayî dikim.

Û lêv zîzbûnekê diweşînim.

Ser perda pencerê,

xweziyekê...

-nexeme noşandinek-

de binoşe,

lawiko...

keserê ramîsanekê,

û spehîbûna peyalike xweperest.

ne xeme,

Ji çi noşandina ve,

tu noşekarî...

qefilî pêsîra asoyê te,

Ji serxweşiyê.

ez livirim,

hîna ez bi xwe livirim.

xwşdana camê evîndara me.

li virim,

ne bigotina "bibe"ez dibim.

mirin û bakurên xwe,

divegirim.

mîna tîbûnekê,

mêbûna te ya zelal,

derbasî lebita min bibe.

li virim,

rûpelên wêneyan bi bihnan,

muhir dikim.

axa min ser zîldayî,

kelaşê deman tê,

diveşêrim.

li vir,

min şitilê heskirinê bi tîbûn,

di gulşenan de rengîn kirin.

li vî bakurî,

ez cin û pîrhevokan hînî,

mirovayetiyê dikim.

Û perê pirpirînkê xwe,

Ser bajarên veciniqandinê,

dixemlînim.

tîvilê aliyan min xepartine,

dikêferatên xwe de.

Û bazbendên xwe bihevekirin.

li vir,

li bin belbelîskekê,

min sûrperî bi cankirin.

li virim,

dombelanê çiyayê "ebdulezîz",

dibirêjim.

Û lawirên dehla"bûnisra ",

Şîr didim,

li vir,

li ser vî termî ez azariya xwe,

dinoşim,

li vir,

li virim,

ez dinoşim.....

têbînî:

min ji demeke dirêj de tu helbest diyarî malpera we nekirine,ji ber ez hinekî dûrbûbûm ji enternêtê ez lê bûrînê ji we dixwazim.

Va min helbestek ji we re rêkiriye ez bihêvîme ku ew cihê xwe di malpera we de bibîne

Silavên min ji were.

Silêman azer.

çapkirin