Silêman azer

Tivtivandî bi xewnê

Tivtivandî bi rıstina
serpêhatin
......û efsanên bapîran.
li milan çentê girtî
ser ristikek hêvî
û kulmek xem.
li îstegehên avakirî
bi rondik û stûnên xwê.
dipûrisîne dûrbûnan ‏paşîvên ji bîrbûnan
û li şûn şop û rêçikokan ‏
xwe diqelş‏ên qadê de vediş‏êrin.
li ser camên xwêdangirtî
bi awirin qefilî
navin û nîş‏anin têne nivîsandin.
li ber sênîk bêrîkirin
....û kurtêlin xweziyan.
û yê çep ji destan tevizî
di bin çena derdoran de.
û kenarên masê ş‏iyar dikin tiliyên yê rast
û dorpêçkirî dîwarên ş‏ehit bihna fincanek qehwe
wî di çengilîne.
* * * * *
Hilgirtî bi bihnên
misk û boyaxên xwe
û çentê miş‏t ji tiş‏tikên mêbûnê
ez barkirî,
bi newalek saw û dilbijandinan.
di qorziya ji hevdûrketinê de
pêrgî hevdibin
du laş‏in westiyayî ji binavkirina rûdêmên xwe
me li xwe dinivîse
celdeyên raxistî
ji pêkên çepeliyê re.
çîroka du evîndaran
nixumandî bi sîtava qeş‏mer ji bo cûtinê.

çapkirin