FELSEFEYEK JI XALEYÊ

                                          Bêkes Reşîd

                                                   15/05/2008

                                          Bekes2can@yahoo.com.

Ziwa

   … Hişk

Bêjeyek mişt hemû mijar    

Hemû Bîyografiyên

   … Di bîskekê de dişewitin

Hemû kirinên Metamatîkiyî

   … Li ser şopa xewna sava dibin

Hemû Piyaseyên li hemû hêlan 

   … Ji bo kesayetiyeke bê sîk û rûniştok

Wilo yan ne wilo… ne xeme

Ne xeme…

Çiqasî bêyî min be

Hewqasî baştire

Hewqasî ne xeme

Ta dûrayiyên nenas ji vê wateyê… !!

Hindek dimîne

Hindekî din ji te... û

Hêj zarê gewdeyê te li dûv neyînê

Ne pîvana Santimêtrekê ji vê nexemiyê

Tu dûrtir dibe… !!

Yaseya tevdana kîjan bingehên te ??

Ne mîna bijartina nêrînê

Hindek ji te jî nebe

   ... ne xeme

Gihîjtinek...

    Rûreşiyek...

        Xwîntaliyek...

Sedemek ji peydabûna Afasya yê li min

Ango...

Ramandina te ya bêzar… !!

Ciwanî ji çavên te dikeve

Kesekî nasnekir

Dîroka hin windakirinan

Ne hindeke…

    Ne hêsaniye…

Lê…

Ne xeme

Ji xwe xeyidî

Ji ber xwe westiyayî

Ka ko lê bibûre... !!

Landik... tenê li ba diheje

Dest... ji çavan tim şuştî

Bûjîniyeke rojane ji qederê

Wexerek…

    Vemirandinek...

         Jibîrkirinek…

Çîyîtiyeke xwedayiyî nû.

çapkirin