Dema we xweş!

 

Li gor peymaneka di navbera Şaredariya Vîsterosê û Dayreya giştî ya dibistanan (Skolverket) divê Şaderadriya Vasterosê konferensekê ji bo mamosteyên kurdî amade bike.  Lewma em ji bo amadekirina şeşemîn konferansa mamosteyên kurdî amadekariyê dikin.

Ji bo Amadekirina konferensê komîteyek hatiye damezirandin. Komîte ji Karîn Brobäck, Mudûra Navenda Duzimanî ya Şaredariya Vesterosê (Centrum för tvåspråkighet), Sarko Amin, redaktorê projeya Fêrgeyî Zimanî Kurdî û mamosteyê kurdî, û Haydar Diljen Otlu, redaktorê malpera Dibistana Kurdî û mamosteyê kurdî, pêk tê. Komîteyê di civîna xwe ye yekem de tarîxa konferansê destnîşan kir. Li gor biryara komîteyê konferans dê di 24-25ê Îlonê (september) de li Västeråsê pêk bê.  Lê ji bo ku em bikaribin li Şaredariyeke din konferansê bikin, em di nav hewldanê de ne.

Em niha li ser rojeva konferansê dixebitin. Di konferansê de helbet em ê xebata perwerdeya kurdî binirxînin û li ser pêşniyarên hîn baştirkirina perwerdeyê rawestin. Herweha awayên dersdanê yên pêşketî û materyalên nû jî dê bên nasandin.

Ku pêşniyarên we yên di derbarê rojeva konferansê de hebin, ji kerema xwe heta  18ê gulanê ji me re bişînin.

Em ê di nêzîk de di van malperan de agahdarîyên firehtir û forma serlêdanê biweşînin:

www.vasteras.se/cf2  

www.dibistanakurdi.com

http://modersmal.skolutveckling.se/sydkurdiska

Serlêdana konferansê divê bi rêya mudûriyetên perwerdeya zimanê zikmakî yên Şaredariyan an jî mudûriyetên dibistanan ve be. Em ê ji bo konferansa 6:em jî ji mamosteyên herdu zaraveyên kurdî pirtir 80 mamosteyan bigirin. Em ê hewl bidin ku pirtir şaredarî beşdar bibin û herweha di navbera mamosteyên jin û mêr de jî balansek hebe.

Mesrefên konferansê li ser şaredarîyên ku mamosteyên xwe ji bo konferansê dişînin û Dayreya Dibistanan (Skolverket) ne. Em ê şertên beşdarbûna konferansê yên aborî û yên din di forma serîlêdanê de binivîsin û di malperên xwe de belav bikin. Helbet, wek konferansa sala borî, em ê ji mamosteyên ji derveyî Swêdê jî çend heban hilbijêrin.

Em li hêvîya pêşniyarên we yên ji bo rojeva konferansê ne.

 

 

Tel: +46-(0)70-171 15 08

Bi silavên germ

Med varma hälsningar

Haydar Diljen Otlu
Västerås stad

Centrum för Tvåspråkighet

www.dibistanakurdi.com