Gotûbêja Romana kurdî û Postmodernizm lidar ket

  Ferat Ayebe

Gotinên gunehkar bi şewa xwe, Tirsa bê diran bir lehengê xwe, Mirname bi mijara xwe û şopên postmodernizmê kur dikin di romana kurdî de.

Li Stenbolê  li komeleya Çira do bi beşdarîya niviskar û rexnegir Alî Fikrî Işik û bi mijara ''di wêjeya kurdî de şopen postmodernizmé' bi wî navî gotûbêjek lidarket.

Gotûbêjê bi çirokekeji Buhişta Lal a bi navê ''Gewrê'' ya birêz Salahattin Bulut, bi wê despêkir. Çiroka birêz Enwer Karahan ''Kespik'' ya di kitêba Du dilopê de, wek alegoriyekê hat destnişankirin. Mana wan herdu çirokan, mana wan a veşartî bi şêweke rezbar, hat revakirin. Gewrê, li cezayekî bêawan digere û kespik jî, li koka xwe. Herdu çirok jî bi maneya xwe ya veşarti, pirsgirekên me yên îroyîn minakaşe dikin.

Piştî wan pêşgotinan, Ali Fikri, li ser romana kurdî qederê seatek û nivê rawestîya. Bi pirsên bêşdar re gotûbêjê sê seat domand.

Bi giranî  li ser çar romanan; romana Hesenê Metê,Gotinên gunehkar, romana Helim yusiv Tirsa bê diran, romana Jan Dost Mîrname û romana Hesen Huseyin Deniz Hêvî her dem heye gotûbêj herikî.Gotinên gunehkar bi şêwa xwe, bi metnê xwe û dervayî metnê xwe, hat nirxandin. Di nav wan encaman de, derket holê ku Gotinên gunehkar teklîfa postmodernizme dike. Gotinên gunehkar vegotieneke postmodernîst e.

Tirsa bê diran, navenda vegotina xwe li ser lehengê xwe avakiriye. Lehengê wê Musa, di nîvê çiroka xwe de koçber dibe û ji welat derdikeve. Ev biryara metn, bi tevna pisijik tê bicîkirin lê metn gazinê xwe ji modernizmê dikê û  dide dûv pirsa pişta modernizmê. Dikeve mijara postmodernizmê.Kitêba Jan Dost Mîrname, do dixe şûna îro û pirsên îroyi bi tevna do dinirxîne. Rûmetên çandinî û pirsen siyasî rûbirû dike. Erk, arzu, beden û pirsa yekîtîyê reva dike. Leheng û çirokê Mîrnameyê piralî ne û hertiştî ji nû ve tesnif dikin.Kitêba Hesen Huseyin Deniz Hêvi her dem heye bi metn, bi binmetn û bidervayî metin, çîrkeke dijwar li dar dixe. Çirokeke siyasî ye û modernizma şerê çekdar berhewa dike. Heqiqetên metn û ên dervayî metn hev digrin û metn dibe manifestoyeke postmodern.

çapkirin