Hejmara kesên li Kurdistanê cezayê îdamê lê hatî birîn, gehîşt 8 kesan

Kampaniya sekinandinê; tora mafê mirov a Kurd

Bi cezayê îdamê ku ji xwendekarê Kurd ê xelkê Sinê Hebîbullah Letîfî re hat birîn, hejmara kesên ku li Kurdistanê ji ber ramana xwe cezayê îdamê bi ser de tê birîn gehîşt 8 kesan.

Hebîbullah Letîfî ê 26 salî, xelkê bajarê Sinêye u li zanîngeha Îlam li beşa mafnasiyê de dixwend. Ew li meha 10 a sala 2007 ve (meha 7 a rojhijmêra koçî-tavî) hatiye girtin u li wê demê ve heya niha di girtîgehê de ye. Duh dadgeha Şoreş a Sinê, tawana dijberiya bi rejîmê li rêya karkirin tev rêkxistinên Kurd ê opozisyonê, xiste stuyê wî u cezayê îdamê dayê. Pêwîste bê gotin ku heya niha biryara dadgehê ji parêzerê Letîfî, Dr. Nêmet Ehmedî re nehatiye ragehandin.

Dema Hebîbullah Letîfî di girtîgeha îstixbarat (îtilaat) a Sinê, ji ber îşkenceyên zor, gelek caran ew rastî xûnrêjiya hundir dibû, ku carna ji ber xûnrêjiya zêde ji hişê xwe diçû u ew radikirn nexweşxaneyê. Di wê demê de bi caran li nexweşxaneyên Tewhîd u Temînê Îctimayî ji ber azarên eşkenceyê hat tedawî kirin.

Bi cezayê îdamê a ji Hebîbullah Letîfî re hatî birîn, heya niha hejmara kesên ji ber ramanên xwe li Kurdistanê ji îdamê re hatine ceza dan gehîşt 8 kesan: 

1.      Adnan Hessenpûr (rojnamevan)

2.      Hîwa Bûtîmar (çalakvanê mafê mirovan u rojnamevan)

3.      Ferzad Kemanger (çalakvanê medenî u xebatkarê mafê mirov)

4.      Enwer Hussein Penahî (mamosta u çalakvanê medenî)

5.      Ferhad Wekîlî (çalakvanê medenî)

6.      Alî Heyderiyan (çalakvanê medenî)

7.      Erselan Ewliyayî (çalakvanê medenî)

8.      Hebîbullah Letîfî (xwendekar u çalakvanê medenî)

çapkirin