Jêre bêjin bila bê

 Husên Abbas

Jêre bêjin bila bê,

Nema sebra min bê wî tê

Ma mirin e! Ra lê nabê!

Jêre bêjin bila bê...!

 

Te ji dev warê xwe berda,

Ew ax û ava hêja

Ew çol û erd û çiya,

Jêre bêjin bila bê...!

 

Eger te navê tu bê,

Kar neke wan li ser rê...!

Xweş neke gelkî wê dê,

Jêre bêjin bila bê...!

 

Ji ber xwe kes nadê rê,

Baş e tu bikêrî me nayê...!

Belkî ê dî bikêr werê,

Jêre bêjin bila bê...!

 

Xwelî te kire çavan,

Dil û kezeb hilweşan

Çok û sikur te li me şikan,

 Jêre bêjin bila bê...

 

Ma te bihîstiye ku berxik,

Rojekê bûye kehrik..?

Yan jî mar bûye kitik?

Jêre bêjin bila bê..

 

Eger tu baş di vê dighê,

Tê  vegerê ji nîvê rê

Emrê xwe tê ji xwer kirê,

Jêre bêjin bila bê..

 

Rojek wê bê lê dereng,

Hinav wê li te bê piring..

Tê şewitê bê êzing,

Jêre bêjin bila bê..

 

Tê lêxê gelkî li serî,

Tê bê wî li min çapek xwelî

Tê bê min çi anî vî serî,

Jê re bêjin bila bê..

 

Şevên xwe tê bê bigirî,

Emrê te wê çe bi gazî..

Tê bê xwezî bi wî warî,

Jêre bêjin bila bê..

 

Ti li ser xwe çuyî wir,

Dinanê te wek bivir

Ceger wek lat û kevir,

Jê re bêjin bila bê..

 

Îro bi tenê tu mayî li wir,

Ne te keç e, ne te kur..

Ne te mal e, ne te dir,

Jê re bêjin bila bê..

 

Tê bê wey sed car xwezî,

Bi wan rojên li wî gundî

Bi wî dewî û nanê tisî,

Jê re bêjin bila bê..

 

Eger tê li wir mênê,

Ne ti kur î, û ez ne dê

Li mi êsîrê kezîkurê,

Jêre bêjin bila bê..

 

Hêvî dikim ji Xwedê,

Tu ji bîr nekê wê rojê

Dema te xwest ti bidî rê,

Jêre bêjin bila bê.

 

Te sund xwar ji min re bi Xwedê,

Tu ji bîr nakê hêstirê dê

Çend sal in dîsa tê bê,

Jêre bêjin bila bê.

 

Ma gelo heye tu bê,

Civat cardî bigerê

Weke heyamê berê...!

Jêre bêjin bila bê.

 

 

 

 

h.garbi@web.de

 

 

 

 

 

H.Garbi@web.de

çapkirin