Ji nav weşanên avesta, romana nivîskarê Kurd Jan Dost (42 salî) ya bi navê( 3 gav û 3darek. Şeva dawî di jiyana Şêx Seîdê kal de ) derket.

Hêjayî gotinê ye ku ev romana Jan Dost ya duyem e piştî romana Mijabad ya ku di sala 2004 an de derket û di pê salekê re bi tirkî jî hatibû wergerandin û çapkirin.

Di vê romanê de, ya ku bi munasebeta 82 salîya serhildana şêx Seîd sala 1925 an hatiye weşandin, romannivîs  şopa  Mijabadê diajo  û bi wî zimanê xwe yê helbestî dîsa  tevna  serpêhatî û bûyer û qederên lehengên xwe dirêse.  Ew bi tevayî li ser  kêlîka berî bidarvekirina  nemir şêx Seîdê kal e  û dema berî şoreş dest pê bike  û bûyerên ku di nava şoreşê de qewimîbûn. Roman  ji 214 rûpelan pêk tê,  û li ser çend beşên sereke( ku nivîskar navê wan kiriye Gav û navê romanê bi xwe jî ji wir tê)  tê par vekirin.

Navê romanê: 3 gav û 3darek. Şeva dawî di jiyana şêx Seîdê kal de.

Weşanxane: Avesta  2007

Nivîskar: Jan Dost