Kitêba ku edîtorîya wê nivîskar û werger Alî Karadeniz kiriye bi çapeke delal û bi du zimanan hatiyê hazir kirin. Li ber orîjînala kitêbê wergera wê ya bi tirkî cî digre. Mîna ku e'yan e ronakbîr Osman Tunç Dîwan wergerandibû tirkî û ew berî şeş mehan ji alîyê weşanxaneya Kentê ve hatibû weşandin.

Wergêr û edîtorê Dîwanê jibo hazirkirina vê çapa hanê nusxeyên cihê-cihê dane ber hev û wek "nusxeya krîtîk" ev çap derketîyê holê.

Dîwana Mela ji alîyê Selman Dîlovan ve hatîyê latînîzekirin. Di serê Dîwanê de nivîseke Alî Karadeniz bi navê "Mîrê Şi'rê: Mela Ahmedê Cizîrî" cî digre. Di vê nivîsê de ew li ser heyat û Dîwana Mela disekine. Di nivîsa “Molla Ahmed-i Cezîrî ve Divanı"de Osman Tunç bi zimanekî herikbar nûveya xebatên ku hetanî niha li ser Mela hatine kirin dide xwendevanan.