Organê Instîtuta Kurdî li Elmanya kovara Lêkolîn derket. Bi vê „Lêkolîna“  dawî re hejmara Lêkolînan dibe 11.
Hejmara vê carê xwerû li ser ziman e. Bi temamî 201 rûpel e û ji 16 gotarên lêkolîner, nivîskar û rojnamevanên Kurd û dostên Kurdan tê pê.

Hejmar 11, mîna giş hejmarên berî xwe xwurt û dewlemend e. Qelem xwedîgotin in, nas û şarezayên babetê xwe ne.

Monopolê lêkolînên li ser kurdan û pirsgirêkên wan heta berî bi çend salên dawî di destên biyanîyan de bû. Îro rewş baştir e, fera mêzênê ber bi aliyê lêkolînerên Kurd ditewe. Nimûneyên vê ne kêm in, li giş perçên Kurdistan, li welat û li derveyî welat ev tê dîtin. Kovara Lêkolîn bi xwe jî yek ji van nimûneyan e.

Di naveroka hejmar 11 de sernivîsên jêrî cîh digrin: Sergotara redaksiyona Lêkolînê, Fehmî Balay: Giringiya ziman û perwerdeya bi Kurdî , Amed Tîgrîs: Zimanê Standard û zimanê akademîk , Evdila Dirêj: Kurtewurek li ser ziman, Rojan Hazim: Devokê Hekariya, Sediq Sindavî: Hevpeyvînek di gel Dr. Geoffrey Haig, Mustefa Reşîd: Standartkirina Awayê Nivîsandina Zimanê Kurdî Zayavayê bakur, Faysal Dagli: „ hemwelatî, bi Tirkî biaxive, pirr biaxive“, Huseyin Kartal: Çend Têbînî li ser Rewşa