|
|
- Paþbangewazî ji Mehmed Uzun
re
-
- Dr.
Zerdeþt Haco
-
-
-
- Mehmed, kekê delal,
-
- Te dizanî, ku zimanê me yî kurdî, yek ji
dewlemendtirîn zimanên vê cihanê, kilîta serxwebûna me ye.
-
- Belê, Te dizanî ku hêrîþeke hovane li dijî vî
zimanê xwedî þaristaniyeke mezin bi hêzên dewletî tê ajotin.
-
- Te dizanî, ku xwediyên van hêrîþan pê li her
nirxekî mirovayetî dikin û ji xwe re her alavekî rewa dibînin, ku vî
zimanî ji ser rûyê vê cihanê rakin.
-
- Belê, Te dizanî, ku ew di van herîþên xwe de
li bakurê welatê me bi ser ketine û jiyana zimanê me gihandine ser
kevîka mirinê.
-
- Belê, Te dizanî, ku rêxistinên kurdî, yên ku
bi hêzên dewletî li zimanê xwe xwedî derkevin nînin, zanîngehên
ku li zimanê kurdî bikolin û bi pêþ ve bibin, nînin.
-
- Te dizanî, ku li bakurê welatê me, bi zimanê me
re têrora dewletî çanda me jî gihandiye ber tirsa jinavbirinê.
-
- Te dizanî, ku welatparêzên Kurdistanê, yên ku
li ziman û wêjeya kurdî xwedî derdikevin, bê dilovanî têne
girtin, hingaftin û kuþtin.
-
- Te dizanî, ku gelek rewþenbîr, hûnermend û nivîskar,
yên ku bi nijada xwe Kurd in, piþta xwe didine zimanê dayika xwe û
di rewþeke weha tirsdar de bêçare berhemên xwe bi zimanên dagîrkeran,
weke Tirkî, Erebî û Farisî dinivîsin, û bi vî awayî gelek ji wan
bûne navdarên wêjeya tirkî, erebî û farisî.
-
- Belê, Te dizanî, ku di rewþeke weha dijwar de
nivîsîna romaneke nûjen bi zimanê kurdî ji aliyekî ve gelekî
dijwariyan bi xwe re têne, lê ji aliyê din ve ew netenê
liberxwedaneke neteweyî ye, belkû ji wêjeya cihanê bi giþtî re jî
dewlemendiyeke balkêþ e.
-
- Belê, kekê delal, di rewþeke weha de Te dest
hilanî û bi vîneke xurt Te romanek li pey ya din nivîsî û ew bi alîkariya
Te li gelek zimanên sereke yî vê cihanê hatin wergerandin. Te bi vê
yekê li bakurê welatê me bingiha hûneriya romana nûjen ya bi zimanê
kurdî danî û Te deriyê vê hûneriyê ji nifþên di pey xwe re
vekir.
-
- Belê, tîna Te bi nivîsa romanan ne diþkest, Te
dest bi nivîsa essay û lêkolînê li wêjeya kurdî jî kir. Te
Berhemek li ser dîroka wêjeya kurdî weþand û Te antologiya wêjeya
kurdî jî di du beran de weþand.
-
- Te bi vê xebata xwe yî bê westan hawareke bê mînak
li gelê me û gelên vê cihanê ji bo giyanê biratiyê, wekheviyê,
lihevbihûrtinê û serxwebûnê kir ... oxira Te ya xêrê be, kekê
delal, cihê xewa Te dilê tim zindî yê neteweya
me ye.
-
- Dr.
Zerdeþt Haco
- Navenda
PENa Kurd
- 12.10.2007
-
-
-
-
-
-
|
|
|