Dr. Zorab Aloian

Hat kuştin 

Hat kuştin

li ser kûçeya tozlêgirtî

li pêş çavên mirovên çavtirsandî

Êzdî bû, dilê wê ketibû Erebekî

bû Bisirman, bû cangoriya

civaka netewandî

Hat kuştin

û pêre-pêre

pale hatin gullebarankirin

xwendekar hatin êrîşkirin

bi destên cîranên

jiyan nehebandî

Hat kuştin

û bi pey re

ji kerema xelkê re Behdînan û Soran

zincîra nifiran berdan Dasiniyan

bi metodên Yasrîba perçiqandî

Hat kuştin

û ji ber refleksa Ûmmayê

Enfal hate jibîrkirin

Bisirimanên hev alandî

Peritandin Êzdatiya hezar car pelixandî

Hat kuştin

û ji nişkê ve mêrên simbêlboq

li çayxanê Yasnayên Zerdeşt qelaştin

û bi rûyên tirş awaza femînîzmê peqandin

awaza bi tiliyên kesên din ve afirandî

Hat kuştin

wek hezar jinên bê deng mirî

termên wan ji nû ve hincirîn

kiras nehatin guhartin, tek pizirîn

ji ber jahra dînê dînikekî

ji Hîcazê pekandî

Hat kuştin

û şînkaya Laleşînê çilimisî

hêstirek ji çavê kalikê min barî

Rojê ew zuha kir bi tîrêjên dilovan

bi ser hişyaran de reşandî...

çapkirin