Dr. Zorab Aloian

Hezar û Yek Hêvî 

Hûn dibihîsin dengê hezar hêviyan?

Def û zurne lêdixin li çol û çiyan,

Destmala bi destê sergovendiyan

Vedimale tixûba Osmaniyan.

Hûn dibihîsin dengê hezar hêviyan?

Bê bername şîret dane gundiyan,

Şoreş têk çû, serwar bi kurdî westiyan,

Bi zimanê Monxolan AŞTÎ qîriyan.

Hûn dibihîsin dengê hezar hêviyan?

Li paytextê wan çav avêtiye kursiyan,

Ku sond bixwin bi navê betonê miriyan,

Belkî qazanc kin cih li Komîteyan?

Hûn dibihîsin dengê hezar hêviyan?

Duniya-alem rabûye ser piyan,

Seçim e, lo, gurên dirantûj beziyan,

Sandoq sor bûn ji ber xwîna berx û miyan.

Hûn dibihîsin dengê hezar hêviyan?

çapkirin